إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Əl-Əqsa məscidi bağlanıb və bir fələstinli qətlə yetirilib

İsrail qüvvələri İordan çayının qərb sahilində əl-Xəlil şəhəri ərazisində bir fələstinli gənci atəş açaraq qətlə yetiriblər.

Ahlibeyt.az-ın məlumatına görə, SalamNews  Fələstin Media Mərkəzinin saytına istinadla xəbər verir ki, İsrail qüvvələri əl-Xəlilin şərqində Vadiul-Həsin bölgəsində 27 yaşlı Yasir Fövzi adlı bir fələstinlini atəş açaraq qətlə yetiriblər.

İsrail mənbələri iddia edib ki, fələstinli gənc bıçaqla israil qüvvələrinə hücum etmək niyyətində olub.

Eyni zamanda əl-Əqsa məscidi ətrafında İsrail polisinin bir kiçik postu yanıb.

Bundan sonra İsrail qüvvələri əl-Əqsa məscidini namaz qılan yaşlı fələstinlilərdən boşaldıb və onu bağlı elan edib.

Qüds və ətrafında fəal olan fələstinli cəmiyyətlər insanları əl-Əqsa məscidi istiqamətdə aksiya keçirməyə çağırıblar.

İsrail polisi əl-Əqsa məscidini boşaldan zaman bir neçə fələstinlini həbs edib.

 

Saytın materiallarından istifadə edərkən istinad vacibdir!
12 Mart, 2019  16:50 Çap

Bu bölmədə


© 2019 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com