İngiltərədə “İslami Xeyriyyə Həftəsi” başlayıb

İslami Xeyriyyə Həftəsi çərçivəsində müsəlman xeyriyyəçilər dünyanın müxtəlif yerlərində aclıq və qida problemi ilə üzləşən uşaqlara maddi yardım ediləcək, valideynlərini itirmiş uşaqlaı himayəyə götürüləcək.

Ahlibeyt.az-ın İqna-ya istinadən məlumatına görə, 21 Oktyabr 2019-cu il, İngiltərədə hər il keçirilən "İslami Xeyriyyə Həftəsi" başlayıb.

Böyük Britaniya müsəlmanlarının Londonda fəaliyyət göstərən "İslamic Relief" İslami xeyriyyə cəmiyyətinin təsis etdiyi, hər il keçirilən və sayca 16-cı olan "İslami Xeyriyyə Həftəsi" çərçivəsində müsəlmanlar öz hədiyyə və köməklərini ehtiyaclı ailələrə çatdırılması üçün bir yerə toplayırlar.

"İslamic Relief" İslami xeyriyyə cəmiyyəti elan edib ki, bu ilin "İslami Xeyriyyə Həftəsi" öz işini "gücümüzü birləşdirək" şüarı ilə başlayıb.

Bu təşkilat bəyaniyanat yayaraq dünyanın xeyirsevər insanlarını ehtiyaclı uşaqlara dəstək layihələrinin həyata keçirilməsi üçün yardım etməyə çağırıblar.

İslami Xeyriyyə Həftəsi çərçivəsində xeyriyyəçilər dünyanın müxtəlif yerlərində aclıq və qida problemi ilə üzləşən uşaqlara maddi yardım edəcək, yetim uşaqları himayəyə götürəcək və təbii hadisələrdə zərər çəkmişlərə kömək edəcəklər.

Qeyd edək ki, keçən 16 il ərzində minlərlə müsəlman xeyriyyəçi əl-ələ verərək dünyanın müxtəlif ölkələrində yoxsullara kömək ediblər. Bu müddət ərzində 8.1 milyon pondluq maddi vəsait toplanaraq ehtiyaclılara çatdırılıb.