İngiltərədə 30 dini lider yerli müsəlmanlara dəstək durdu

İngiltərə paytaxtında yerli dini icmaların rəhbərləri müsəlmanlara dəstək veriblər.

Ahlibeyt.az-ın məlumatına görə, İslamazeri.com-un rus mediasına istinadən verdiyi xəbərə əsasən, Londondakı təxminən 30 dini lider, Qolders Qrin rayonunun bəzi sakinlərinin orada yeni məscidin açılmasına olan etirazlarını yekdilliklə pisləyib.

Adıçəkilən rayonun dini icmalarının liderləri islamofobiyaya qarşı çıxmağa və müsəlman icmasına birgə dəstək vermək barədə qərar qəbul ediblər. Belə ki, katolik, anqlikan, metodist, yunan, kvaker və pravoslav kilsələrinin nümayəndələri, sikx dininin keşişləri və yəhudi dininin ravvinləri yerli müsəlman icmasının dəstəyi barədəki açıq məktuba öz imzalarını atıb.

Xatırlatmaq lazımdır ki, böyük yəhudi diasporunun yaşadığı bu şəhər ətrafı bölgədə yeni İslam mərkəzinin yaradılmasının əleyhinə islamofobiya kampaniyası başladılıb. Buna səbəb isə köhnə mədəniyyət sarayının binasının məscid edilməsi üçün müsəlmanlara təhvil verilməsi olub.