İslam dini İspaniya məktəblərində tədris ediləcək

İspaniyanın təhsil nazirinliyinin yaydığı məlumata görə,bir neçə il müzakirə edilən "İslam dininin məktəblərdə tədirsi" layihəsi yeni ildən icra ediləcək.

Ahlibeyt.az-ın İqna-ya istinadən məlumatına görə,İspaniya elm və təhsil ocaqlarında İslam dininin tədris edilməsi bir neçə il müzakirələrdən sonra müsbət həllini tapıb.

Məsələ ilə bağlı müsəlman cəmiyyətinin nümayəndələri və İspaniya dövlət rəsmiləri arasında dəfələrlə danışıqlar keçirilib.

Keçən ilin (2016) mart ayında "İslam dininin məktəblərdə tədirsi" layihəsi ölkənin İslam komissiyasında tənzimlənmiş, təhsil naziri bu layihəni və dərs proqramını təsdiq etmişdi.

Bu layihənin icrası ilə bağlı İspaniya təhsil nazirliyi məlumat yayaraq bildirib ki, ölkənin təhsil ocaqlarında müsəlman şagird və tələbələrin sayının artması, müsəlmanlarla xristianlar arasında münasibətlərin yaxınlaşmasını nəzərə alaraq yeni ildən İslam dini bütün təhsil ocaqlarında tədris ediləcək.

Qeyd edək ki, İspaniya dövləti və bu ölkənin İslami cəmiyyətləri arasında İslam dininin tədirsi barədə həmkarlıq danışıqları 25 il öncədən başlamışdı, amma dövlət Əndəlus, Araqon, Qənari adaları və Bask regionunda müsəlmanların çoxalmasının ardınca bu layihənin icrası ilə keçən il razılığa gəldi.

Son hesabata görə İspaniyada yeni müsəlmanların sayı 718 min 228 nəfəri keçib və 2015-ci il ilə müqayisədə müsəlmanların sayında 8.4 % çoxalma olub. Ümumiyyətlə isə İspaniyada 2 milyona yaxın müsəlman yaşayır ki, onların 41.2%-i yerli sakinlər və 58.2%-i isə mühacirlərdir.