Türkiyə Dəyanət İşləri naziri sekulyarlara cavab verdi

Türkiyə Dəyanət İşlər Nazirliyi qış tətilində məktəb və lisey şagirdlərinin və müəllimlərinin 10 günlük müqəddəs torpaqlara "Ümrə" ziyarətinə göndərmək proqramı hazırlayıb.

Proqrama əsasən ziyarətə gedənlər ziyarətlə yanaşı tarixi abidələrlədə yaxından tanış ola biləcəklər. 10 günlük səfərin qiyməti şagirdlər üçün 760-795 yevro, müəllimlər üçün isə 850-875 yevrodur.

Bu proqram Türkiyədə aktiv olan və xüsusilə də təhsil sistemində çəkiləri olan sekulyarçıların ciddi narazılığına və qınağına səbəb olub. Onlar dünyəvi təhsilin dini təhsilə çevrilməsindən ehtiyat etdikləri bəhanəsilə buna qarşı çıxıblar.

Türkiyə Dəyanət İşləri naziri Mehmet Görmez isə bu qınaqlara sərt cavab verərək deyib ki, müsəlman ölkələrindən olan şagirdlərin qiblələrini, müqəddəs torpaqlarını ziyarətə getmələri təbbi bir şeydir. Bunu qınayanlara tövsiyə edirəm ki, Vatikana səfər etsinlər və görsünlər ki, hər il İspaniyadan, İtaliyadan və Almaniyadan nə qədər şagird öz müəllimləri ilə oranı ziyarət etməyə gəlirlər.