Fransa Senatı uydurma “erməni soyqırımı”nın inkarına görə cəza nəzərdə tutan qanun qəbul edib

Fransa Senatı soyqırımların, o cümlədən uydurma “erməni soyqırımı”nın inkar edilməsinə görə cəza nəzərdə tutan qanun layihəsini qəbul edib.

Ahlibeyt.az-ın Rfi-yə istinadən məlumatına görə, oktyabrın 14-də Fransa parlamentinin yuxarı palatası - Senat İnsanlığa qarşı cinayətlərə görə nəzərdə tutulan qanun layihəsini dəstəkləyib.

Yeni qanuna görə Fransa Respublikasının tərəfindən tanınan soyqırım, müharibə cinayətləri, insanlığa qarşı cinayətlərin inkarına görə cinayət məsuliyyətinə cəlb olunacaq.

Qanun layihəsində dövlətlərin də bu cinayətləri inkar etdikləri təqdirdə eyni məsuliyyət daşıyacağı bəndi daxil edilib ki,bu bəndə görə Türkiyənin qondarma erməni soyqrımını inkar etdiyi halda ölkə barədə hüquqi prosedur başladıla bilər.

156 Fransız senatorun səs çoxluğu ilə qəbul edilən soyqırımının inkarı qanununa  146 millət vəkili əleyhinə səs veriblər..Soyqırımının inkarına görə  cinayət məsuliyyəti nəzərdə tutan qanun bir müddət əvvəl Milli Assambleyasının qəbul etdiyi layihəni bərpa edib.

Xatırladaq ki, Nikola Sarkozi dövründə Fransanın erməni soyqırımı inkar edənlərə cəza qanun layihəsini qəbul etmiş. Daha sonra isə, vətəndaşların ifadə azadlığı hüququ olduğunu hesab edən qanun mətni Konstitusiya Şurası tərəfindən ləğv edilmişdir.

Qeyd edək ki,qanun layihəsi əsasən sosialis senatorlar tərəfindən dəstəklənib.