إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Farnsada məskunlaşan yəhudilər kütləvi şəkildə İslama gəlir

Ravvinlər dindaşlarını müsəlmanlıqdan uzaqlaşdırmaq üçün “qaynar xətt” yaratmağa məcbur olublar...

Fransanın yəhudi liderləri getdikcə daha çox iudeyin müsəlmanlığı qəbul etməsindən şikayət edirlər. Ravvinlər yəhudilərin öz dinlərini tərk etməsindən bərk narahatdır. Özü də bu hal bəzən kütləvi xarakter daşıyır.

Ahlibeyt.az-ın Moderator.az-a istinadla verdiyi xəbərə görə, Fransanın “antisemitizmə qarşı ayıqlıq milli bürosu”nun rəhbəri Sammi Hozlan İsrailin “Arutz Sheva” nəşrinə verdiyi açıqlamada deyir ki, o, yəhudilərin bütöv ailələrlə İslamı qəbul etməsinin şahidi olub. Əlbəttə, burada Fransanın müsəlman icmasının apardığı mənəvi maarifləndirmə işlərinin də   böyük rolu var. İudey ruhaniləri  müsəlman imamların yəhudi-sefardlarla asanlıqla ümumi dil  tapa bilməsindən və onları tarixə dair söhbətlərlə müsəlmanlığa gəlməyə sövq etmələrindən şikayətlənirlər. Qeyd edək ki, “sefardlar” adlanan etnik qrupa daxil olan yəhudilər Roma imperiyası və Ərəb xilafəti dövründə Pireney yarımadasından qovulmuşlar. Hazırda İsraildə yəhudi-sefardların  sayı 725 min nəfərə yaxındır. Xarici ölkələrdən isə sefardlar  daha çox məhz Fransada (350 minə yaxın) yaşayırlar.  Hətta eks-prezident Nikola Sarkozinin də yəhudi-sefard olduğu bildirilir. “Sefard” müasir ivrit dilində “ispaniyalı”  anlamına gəlir.

Hazırda Fransanın iudey icması  “İslamdan uzaqlaşdırma” fondu və müsəlmanlığı qəbul etmək istəyən, lakin tərəddüd içində olan yəhudilər üçün “qaynar xətt” rabitəsi təsis etməyə məcbur olublar.

 

Saytın materiallarından istifadə edərkən istinad vacibdir!
21 Sentyabr, 2016  13:16 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!