İraq ordusu daha bir şəhərin İŞİD döyüşçülərindən tamamilə azad olunduğunu elan edib

İraq ordusu Əl-Kayyara şəhərinin İŞİD döyüşçülərindən tamamilə azad olunduğunu elan edib.

Ahlibeyt.az-ın beynəlxalq kiv-lərə istinadən məlumatına görə, İraq silahlı qüvvələri və künüllüərdən ibarət hərbi birləşmələr İraqın Əl-Kayyara şəhərinin İŞİD terror qruplaşmasının döyüşçülərindən tamamilə azad edildiyini elan edib.

Bu barədə İraq ordusunun rəsmi Twitter səhifəsində yerləşdirilən xəbərlərdə məlumat verilib.

Məlumata görə,Mosul şəhərindən 50 km cənubda yerləşən Əl-Kəyyara şəhərinin İŞİD-dən azad olunması əməliyyatlarına İraq silahlı qüvvələrinə aid doqquzuncu zirehli tank diviziyası,Hərbi hava qüvvələri təyyarələri və könüllü xalq birləşmələri cəlb olunub.

İraq Silahlı qüvvələri komandanlığı artıq İraq bayraqlarının azad olunmuş binalar üzərində dalğalandıqlarını bildiriblər.

Əməliyyatların başlanması ilə şəhərdəki İŞİD terrorçularının kütləvi surətdə Mosula qaçdığı bildirilir.

Qeyd edək ki, Mosul şəhərindən 50 kilometr cənubda yerləşən Əl-Kayyara 2014-cü ildən terrorçular tərəfindən tutulub.