Aşuranın sədası

Ayətullahul-Üzma Şeyx Lütfullah Safi Gülpəyqani vahhabilərin Əfqanıstan və İraqda İmam Hüseyn(ə) əzadarlarına qarşı törətdikləri cinayətləri qınayan müraciət edib.

"Aşuranın Sədası" adlanan müraciətdə Ayətullah Safi Gülpəyqani İmam Hüseynin(ə) bu sədasının İslam və Quran sədası olduğunu və zülmə və tağuta qarşı olduğunu deyib.

Vahhabilərin İraq və Əfqanıstanda Aşura günü terror etməklə günahsız insanları qətl yetirmələrini pisləyən mərcei-təqlid günahsız olaraq qocanı, cavanı, qadını və uşağı öldürməklə vahhabilərin bu sədanı batıra bilməyəcəklərini və bu sədanın ildən-ilə daha da artacağını bildirib. Müsəlmanların üz qarası olan azğın firqənin bu cinayətləri törətməklə müsəlmanları dünyada xəcalətli etdiklərini diqqətə çatdıran böyük alim deyib ki, şiələr tutduqları yoldan geri çəkilməyəcəklər. Və onlar Allahın nurunu söndürmək istəyirlər ki, bu da baş verməyəcəkdir.

İraq və Əfqanıstan şiələrinə təsliyyət deyən Ayətullah Safi Gülpəyqani İraq, Əfqanıstan və Pakistan xalqının İslam əhkamına və Əhli-Beyt(ə) yoluna sadiq qalacaqlarını və şiə və əhli-sünnə daxil olmaqla, bütün müsəlmanların bu cinayəti pislədiklərini bildirib.