Səudiyyənin baş müftisi əzadarlığın caiz olmadığını bildirib

Səudiyyə Ərəbistanının baş müftisi Şeyx Əbdül-Əziz əl-Şeyx Cümə xütbəsində bildirib ki, bəziləri özlərini İslama aid edirlər amma Məhərrəm aylarında əzadarlıq edir və İmam Hüseynə(ə) yas saxlayırlar. Halbuki bu əməl caiz deyil və İslam dinində bu bəyənilən əmlə deyil.

Əhli-sünnənin rəvayətlərində belə Peyğəmbərin(s) sağlığında İmam Hüseynə(ə) ağlamasını yadından çıxardan baş müfti İmam Hüseynə(ə) ağlamağı qeyri-şəri adlandıraraq deyib ki, Aşura və Tasua günlərində bəyənilən əməl yalnız odur ki, insan oruc tutsun.

Qeyd edək ki, Aşura günü oruc tutmaq ənənəsinin əsasını İmam Hüseyni(ə) qətlə yetirmiş Əməvilər qoymuşlar. Bayram günlərində oruc tutmaq ənənəsinin mövcudluğu Əməviləri İmam Hüseynin(ə) qətlə yetirildiyi gün - Aşura günü oruc tutmağa təhrik edir. Daha sonralar Əməvilər satılmış alimlər vasitəsilə həmin gün oruc tutmağın savabının çox olduğu barədə hədislər uyduraraq, Aşura günü oruc tutmağı bir Peyğəmbər(s) sünnəsinə salmışlar.