Azərbaycanın xarici işlər naziri İrana yola düşüb

Azərbaycanın xarici işlər naziri Elmar Məmmədyarovun rəhbərlik etdiyi nümayəndə heyəti İran İslam Respublikasına yola düşüb.

Ahlibeyt.az-ın verdiyi xəbərə görə,XİN-dən verilən məlumatda bildirilir ki,Elmar Məmmədyarovun rəhbərlik etdiyi nümayəndə heyəti Azərbaycan, Türkiyə və İran xarici işlər nazirlərinin üçtərəfli görüşündə iştirak edəcək.

Nazirlərin dördüncü görüşü bu gün Ramsar şəhərində keçiriləcək.

Qeyd edək ki, Azərbaycan, Rusiya və İranın xarici işlər nazirlərinin Bakıda keçiriləcək görüşünün də vaxtı açıqlanıb. ANS PRESS-in məlumatına görə, Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bildirib ki, nazirlər aprelin 7-də görüşəcəklər.

Onun sözlərinə görə, Elmar Məmmədyarov, Sergey Lavrov və Məhəmməd Cavad Zərif görüşdə regional əməkdaşlığın qarşılıqlı maraq doğuran məsələləri üzrə fikir mübadiləsi aparacaqlar.