ABŞ-dakı ən böyük islam mərkəzinin açılışında 3 dildə xütbə oxunacaq

Sabah Türkiyə prezidenti Rəcəb Tayyib Ərdoğan ABŞ-da tikilmiş dünyanın ən böyük İslam Mədəniyyət Mərkəzinin açılışını həyat keçirəcək.

Ahlibeyt.az-ın Salamnews-a istinadla verdiyi xəbərə görə, Türkiyənin diyanət işləri başçısı Mehmet Görmez rəsmi açılış tədbirində türk, ingilis və ərəb dillərində xütbə verəcək.

İslam dini və estetikasını amerikalılara ən düzgün şəkildə tanıtmağı hədəf seçən mərkəz Vaşinqton yaxınlığındakı Merilend əyalətində yerləşir.

2011-ci ilin sentyabr ayında 60 hektar ərazidə, Osmanlı memarlıq üslubunda inşasına başlanılan kompleksdə 700 nəfərlik tutumu olan məscid, mədrəsə, məktəb, hamam, kitabxana fəaliyyət göstərəcək.

Məsciddə həyət də daxil olmaqla eyni anda 3000 nəfər ibadət edə biləcək.