Zəvvarların ilk karvanı gecəyarısı yola düşür

Həccə avtobusla ziyarətə gedəcək zəvvarların ilk karvanı sabah səhərə yaxın Qaradağ rayonunda yerləşən "Binə" ticarət mərkəzinin yaxınlığındakı meydandan yola düşəcəkdir. Ümumilikdə 44 avtobusla yola düşəcək zəvvarların ilk karvanında 18 avtobus olacaqdır. Qalan 26 avtobusun yəni ikinci karvanın ertəsi gün səhərə yaxın yola düşəcəyi bildirilir.

Xatırladaq ki, Azərbaycan-İran-İraq-Səudiyyə Ərəbistanı marşrutu üzrə hərəkət etməli olan zəvvarların marşrutuna bir ölkə daha əlavə olunub və zəvvarlar İraqdan Səudiyyə Ərəbistanına birbaşa keçə bilməyəcəklər. Onlar İraqdan İordaniyaya daha sonra Səudiyyə Ərəbistanına daxil olcaqlar.