“Muxtarnamə” filminin yaradıcılarından biri İraqda şəhid edildi(foto)

Müharibə və kino sahəsində iz qoymuş Həbib Cənnətməkan Samirra şəhərində İŞİD terrorçuları ilə döyüşdə şəhid edildi.

Ahlibeyt.az-ın verdiyi xəbərə görə,Tasnim agentliyinin məlumatında bildirilir ki, tanınmış kinoaktyor və kinomatoqraf,İraq-İran müharibəsi qazisi Həbib Cənnətməkan İraqda İŞİD-lə gedən döyüşlərdə şəhid olub.Şəhidin cəsədi ziyarət məqsədi ilə Nəcəf şəhərinə aparılıb. Şəhidin dəfn və yas mərasimi İranın Kərəc şəhərində keçiriləcəkdir.

Həbib Cənnətməkan könüllü briqadalar sırasında İran – İraq müharibəsində 8 il döyüşlərdə ştirak etmiş və dəfələrlə yaralanmışdır.Müharibədən sonra incəsənət sahəsinə gəlmiş və kino yaradıcılığında çalışmışdır.Məşhur “Muxtarnamə” filminin yaradıcılarından biridir.

Qeyd olunur ki, Şəhid Həbib Cənnətməkan İraqda “Əbulməkarim” ləqəbi ilə tanınırdı və İraqdakı müqəddəs ziyarətgahların mühafizəsi məqsədi ilə könüllü surətdə bu ölkəyə yollanmış və aprelin 16 da Samirra şəhərində şəhadətə çatmışdır.