“İrəli” 2022-ci il üzrə növbəti təcrübə proqramını elan edir

“İrəli” İctimai Birliyi gənclərin hərtərəfli inkişafı, o cümlədən yeni bilik və bacarıqların əldə olunmasına dəstək məqsədi ilə 2022-ci il üzrə növbəti təcrübə proqramını elan edir.

Ahlibeyt.az xəbər verir ki, bu barədə Birliyin sosial media hesabında məlumat verilib. Təcrübə proqramına 17-25 yaşlarında, təşəbbüskar, motivasiyalı, məsuliyyətli və komanda ilə işləmə bacarığına sahib olan gənclər qatıla bilərlər.

“İrəli” İctimai Birliyi gənclər üçün 2022-ci il Təcrübə proqramını elan edir!

Proqram çərçivəsində gənclər aşağıda qeyd olunan sahələr üzrə

təcrübə əldə edəcəklər:

– Gənclərlə iş;

– Təhsil və təlim;

– Mətbuat;

– Beynəlxalq əlaqələr;

– Layihələrlə iş;

– Sosial iş;

– Media.

3 ay müddətində davam edəcək proqramı uğurla başa vurmuş təcrübəçilərimiz şəhadətnamə ilə təltif olunacaqlar.

Təcrübə proqramına qatılmaq üçün tələblər:

-17-23 yaş aralığında olmalı;

-İşində yüksək səriştəyə malik olmalı;

-Təşəbbüskar və məsuliyyətli olmalı;

-Komanda ilə işləmə bacarığı olmalı;

-Könüllülük prinsipinə üstünlük verməli;

-Gənclərlə iş sahəsində fəaliyyət göstərmək üçün motivasiyalı olmalı.

Əgər siz də ictimai fəaliyyətinizi inkişaf etdirmək, peşə və bacarıqlara yiyələnməklə təcrübənizi artırmaq istəyirsinizsə, “İrəli” ailəsinə qoşulun!

Son müraciət tarixi: 22.09.2022 18:00

Qeyd edək ki, təcrübə proqramı ödənişsiz şəkildə həyata keçirilir.

Qeydiyyatdan keçmək istəyən gənclər aşağıdakı linkə keçid edə bilərlər:

https://bit.ly/3RODpFs