Husilər paytaxt Sənada hava limanının fəaliyyətinə icazə verilməsi, maaşların ödənilməsi və əl-Hudeyda limanın fəaliyyətinə tam şəkildə icazə verilməsini şərt olaraq irəli sürüblər.

Ahlibeyt.az-ın məlumatına görə, SalamNews əl-Məyadinə istinadən xəbər verir ki, bu barədə mərkəzi qərargahları paytaxt Sənada yerləşən “Yəmən Hökumətinin Ali Siyasi Şurası"nın sədri Mehdi əl-Mşat tələb irəli sürüb.

O, Sənada Oman Sultanlığının nümayəndə heyətini qəbul edərkən Yəməndə atəşkəs müddətinin artırılması üçün Səna hava limanı və əl-Hudeyda dəniz limanının tam şəkildə açılması, habelə maaşların ödənilməsinin şərt olduğunu deyib.

“Bu addımların həyata keçirilməsi sülhü dəstəkləyən mühit yaradacaq, təcavüz və mühasirə nəticəsində vətəndaşların çəkdiyi əziyyətlərin yüngülləşdirilməsinə mühüm töhfə verəcək”, deyə o bildirib.

Qeyd edək ki, Yəməndə atəşkəs ikinci dəfədir uzadılır.