Almaniyadakı türk və müsəlman icmalarının məscid və dərnəklərinin təhlükəsizliyi üçün lazımi tədbirlərin görülməsini gözləyirik.

Ahlibeyt.az  "Anadolu" agentliyinə istinadən xəbər verir ki, bunu Türkiyənin xarici işlər naziri Mövlud Çavuşoğlu almaniyalı həmkarı Annalena Berbokla birgə mətbuat konfransı zamanı deyib.

Çavuşoğlu bildirib ki, biz hər cür irqçiliyə və ayrı-seçkiliyə qarşı birlikdə mübarizə aparmalıyıq:

"Nazirlik olaraq hesabat hazırlamışıq. Həqiqətən də ciddi artım var. Pandemiya dövründə müsəlmanlara və məscidlərə qarşı irqçi hücumlarda çox ciddi artım var. Almaniyadakı türk və müsəlman icmalarının məscid və dərnəklərinin təhlükəsizliyi üçün lazımi tədbirlərin görülməsini gözləyirik”.

“Son zamanlar Almaniyada PKK-nın fəaliyyətindədə artım var bu müttəfiqlik ruhu ilə bir araya sığmır. Türkiyə terror təşkilatları ilə mübarizədə konkret addımlar və aktiv əməkdaşlıq gözləyir”, - Çavuşoğlu əlavə edib.