إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Qətər və ICESCO “Doha 2021 - İslam Mədəniyyəti Paytaxtı” tədbirlərini müzakirə ediblər

Məlum olduğu kimi, İslam Əməkdaşlıq Təşkilatı Mədəniyyət nazirlərinin 2009-cu il oktyabrın 15-də Bakıda keçirilmiş VI konfransında Qətərin paytaxtı Dohanın 2021-ci ildə İslam Mədəniyyəti Paytaxtı elan edilməsi barədə qərar qəbul edilmişdi.

Ahlibeyt.az AZƏRTAC-a istinadən xəbər verir ki, on bir ildən sonra – 2020-ci il noyabrın 1-də Qətərdə bu əlamətdar mədəniyyət hadisəsinə hazırlıq işləri barədə məlumat yayılıb. Bu münasibətlə Qətər Mədəniyyət Nazirliyi və İslam Dünyası Təhsil, Elm və Mədəniyyət Təşkilatı (ICESCO) arasında videokonfrans formatında müzakirə keçirilib.

1

Qətər və ICESCO-nun səlahiyyətli nümayəndələri İslam Mədəniyyəti Paytaxtı çərçivəsində keçiriləcək tədbirlər proqramı ətrafında fikir mübadiləsi aparıblar. Qeyd olunub ki, Dohada beynəlxalq sərgi, konfrans, simpoziumların, habelə mədəniyyət həftələrinin təşkili planlaşdırılır. COVID-19 pandemiyası ilə əlaqədar bir sıra tədbirlərin virtual təşkili də istisna edilmir.

Qətər Mədəniyyət Nazirliyi “Doha 2021 – İslam Mədəniyyəti Paytaxtı” tədbirlərinin açılışını yanvarın 14-də, Beynəlxalq Kitab Sərgisi zamanı təşkil etməyi nəzərdə tutur.

 

 

Saytın materiallarından istifadə edərkən istinad vacibdir!
5 Noyabr, 2020  08:47 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!