İranda ənənəvi beynəlxalq Qüds günü yürüşləri bu il keçirilməyəcək.

Ahlibeyt.az-ın verdiyi xəbərə görə, APA-nın Tehran bürosunun məlumatına əsasən, bunu  İran İslami Təbliğat Şurasının  koordinasiya mərkəzinin sədr müavini  Nüsrətullah Lütfi deyib.

Onun sözlərinə görə, koronavirus epidemiyası ilə bağlı, cari ildə geniş miqyaslı tədbirin keçirilməsi mümkün olmadığı üçün yürüş  ləğv olunub:

"Lakin Ramazan ayının son cümə günü İranın Ali lideri Ayətullah Xamenei İslam ümməti ilə bir başa canlı  danışacaq. Bu canlı çıxış  televiziya, radio və sosial şəbəkələr vastiəsilə canlı yayımlanacaq".

"Qüds günü" ilk dəfə 1982-ci ildə İran İslam inqilabının lideri Ayətullah Xomeyninin təşəbbüsü ilə Fələstinin azadlığına dəstək üçün keçirilib. O vaxtdan İranda, Livanda və bəzi başqa müsəlman ölkələrində hər il Mübarək Ramazan ayının sonuncu cümə günü Fələstin xalqına dəstək tədbirləri keçirilir.