ABŞ azadlıq adı altında ölkələri işğal edir

Bəhreyn şiələrinin lideri Ayətullah şeyx İsa Qasim bu gün Cümə xütbəsində ABŞ-ın bölgədəki siyasətini tənqid edib.

Şeyx İsa Qasim ilk öncə ərəb ölkələrinin Bağdaddakı toplantısında Bəhreyn böhranının müzakirəyə çıxarılmasının qadağan edilməsini pisləyərək deyib ki, nə üçün görəsən ərəb ölkələrinin başçılarının qulaqları Bəhreynə çatanda karlaşır. Şeyx İsa Qasim həmçinin ABŞ-ın da Bəhreyndə baş verənlərə münasibətini pisləyərək deyib ki, ABŞ azadlıq şüarı adı altında ölkələri işğal etməkdədir. Amma növbə Bəhreynə çatanda Bəhreyn kralını dəstəkləyir. ABŞ-nın dəfələrlə Bəhreyn rejimi bizim strateji müttəfiqimizdir deməsi özü onun göstəricisidir ki, ABŞ üçün əsas demokratiya və azadlıq yox, onun maraqlarıdır.

Şeyx İsa Qasim bir daha Bəhreyn kralına səslənərək deyib ki, xalqın səsinə cavab verməyəcəyənədək Bəhreyn böhranı davam edəcəkdir.