إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

İmam Səccadın (ə) mübarək Ramazan ayı ilə vidalaşarkən oxuduğu dua

Bu gün Ramazan ayının son günüdür.İmam Səccad(ə)ın mübarək Ramazan ayının son günü oxuduğu vida duasının tərcüməsini təqdim edirik.

Ey bəndələrinə etdiyin ehsanın əvəzində mükafat istəməyən, əta və lütf göstərməkdən peşiman olmayan Rəbbim.

Ey bəndəsinə muzdunu əməlindən ödəyən, nemətin layiq olmayan bəndələrinə yetər, əfvin ehsan, cəza verməyin ədalət, cəzan xeyrin özüdür. əgər bəxşiş etsən onu minəttlə bulaşdırmazsan, mərhəmət göstərməməyin zülm üzündən deyil,

Sənə şükr edənə minnətdar olarsan, halbuki şükr etməyi ona Sən özün imkan etmisən, Sənə həmd-səna edənə mükafat verirsən, halbuki o sita-yişi Sən özün ona təlim vermisən, istədiyin təqdirdə rüsvay edə biləcəyin bəndənin üzərinə pərdə örtürsən, istədiyin halda əsirgəyə bilərkən ehsan edərsən, bir halda ki, hər insan əsirgənil-məyə və rüsvay olunmağa layiqdirlər, lakin Sən bütün işlərinin təməlini lütf əsasında qoymusan, qüdrətin əfv etmək əsasında qərar vermisən, Səninlə müxalifətə qalxana mülayimliklə qarşılaşırsan, özünə zülm edənə möhlət verirsən, səbr edib mülayimliyinə özün möhlət verirsən ki, Sənə sarı qayıtsınlar, günahları cəza verməkdə tələs-mirsən ki, tövbə etsinlər ki, onlardan həlak olanlar Sənin razılığın olmadan həlak olmasın, bədbəxtləri nemətinlə qara bəxt olmasın, məgər ki, bəhanəni kəsib onlara olan hərtərəfli höccəti sona yetirməkdən sonra, bütün bu əfv əvəzində ehsan Sənin lütfündəndir, ey kərim olan Allah. Bəndələrinin üzünə bəxşişinə saı bir qapı açan Sənsən, onu tövbə qapısı adlandırmısan, açıq qapıya öz vəhyinlə bir yol göstərən qərar vermisən ki, onu itirməsinlər,adın uca və mübarəkdir Sən özün buyurmusan: Bir daha günaha sarı dönməməklə Rəbbində sarı qayıdın ki, bəlkə Allah sizin günahlarınızdan keçib sizi ağacları altından çaylar axan bağlara nail etsin; O gün Allah peyğəmbər və ona iman gətirənləri xar etməz, halbuki nurları önlərindən və sağ tərəflərindən nur parladığı halda deyərlər: Ey Rəbbimiz, nurumuzu kamil et, bizi əfvinə nail et ki, Sən, hər şeyə qadirsən. Belə isə qapısı açılıb dəlili üzə çıxarılarkən o evə girməkdən qəflət edənin üzrü nə olacaqdır?

Sənsən ki, bəndələrinlə etdiyin sövdədə Öz bəxşişinə artırmısan ki, aparsınlar, Sənə sarı hərəkətdə kama yetsinlər, Səndən daha çox bəhrə-mənd olsunlar, elə buna görə də Sən özün-adın mübarəkdir, çox ulusan-buyurmusan: «Hər kəs yaxşılıq edərsə on bərabər əvəzi olacaqdır və hər kəs pislik edərsə onun mislindən artıq cəza görməz»-həmçinin buyurmusan: «Mallarını Allah yolunda infaq edənlərin məsəli hər budaqda yeddi sünbül gətirən dənə kimidir ki, hər sünbül gətirən dənə kimidir ki, hər sünbüldə də yüz dənə vardır və Allah istədiyi kimsə üçün onu bir neçə qat artırar»

Və buyurmusan: «Allaha gözəl borc verən kimidir ki, Allah da onu bir neçə qat artırsın?»

Yaxşı əməlləri bir neçə qat artırmağın barədə verdiyin vəd və bu kimi misallar Quranında çox yerlərdə nazil etmisən, qeybindən söz salmağınla, faydalarına rəğbətləndirdiyinin səbəbi ilə onları elə şeyə hidayət etmisən ki, əgər onlardan gizli saxladığın gözləri dərk etməz, qulaqları anlamazdı, fikirləri ona yetməzdi çünki buyurmusan: «Məni yad edin ki, Mən də sizi yad edim, Mənə şükr edin və nankor olmayın» və buyurmusan: «əgər şükr etsəniz Sizə olan nemətlərimi artıracaqağam, əgər küfr etsəniz, həqiqətən də Mənim əzabım şiddətlidir».

Və buyurmusan: «Məni çağırın ki, dualarınızı qəbul edim, Mənə ibadət etməyə təkəbbür göstərənlər tezliklə xar və zəlil halda Cəhənnəmə girəcəklər».

Belə olduqda dua və raz-niyazı ibadət, onu tərk etməyi təkəbbürlük adlandırmısan və duanın tərk edilməsi ilə zəlil və rüsvayçılıqla Cəhənnəmə girməklə qorxutmusan.

Buna görə həqiqi bəndələrin nemətinlə Səni yad etdilər, bəxşişinlə Sənə şükr etdilər, əmrinlə dua etməyə qalxdılar, bol bəxşişini almaq xatirinə sədəqə verdilər,onların Sənin qəzəbindən yeganə xilas yolu, razılığına yetmək üçün bir yol var idisə onda idi.

Və əgər bir məxluq başqa bir məxluqu sənin öz bəndələrinin hidayət etdiyin kimi hidayət etsəydi ehsan sahibi kimi şöhrət tapar, bəxşiş və əta sahibi kimi məhşur olardı, və hər bir dildə ona həmd-səna edib təriflər deyərdilər;

Belə olduqda imkanı oluncaya qədər Sənə həmd olsun, Sənə həmd üçün söz tapılanadək, həmdə dönən bir məna qalanadək.

Ey ehsan və lütfünlə bəndələrini həmdə çağıran, onları Öz bəxşiş ilə qərq edən, Sənin bizdə olan nemətin necə də aşkar və geniş yayılmışdır!

Bir olan ehsanın necə də boldur! Bizə olan yaxşılıqların necə də xüsusidir!

Bizi seçdiyin dinə hidayət etdin, bəyəndiyin şəriətə yol göstərdin, rahatladığın yolun yolçusu etdin, dərgahında yaxınlaşmağa kəramətinə yetişməyə olan yola bizə bəsirət nəsib etdin.

Ey mənim Rəbbim, Sən o vəzifələrin ən safını, vacib olan işlərin ən üstün olanını Ramazan ayı qərar verdin ki, onu sair aylar arasından seçdin, bütün zaman və əsrlər arasından ixtiyar etdin, ilin bütün vaxtlarından fəzilətli etdin, onda Quran və nur nazil etdiyin üçün, bu ayda imanı bir neçə bərabər etdiyinə görə, onda oruc tutmağı vacib buyurub o ayda gecəni oyaq qalmağa rəğbət-ləndirib, min aydan üstün olan Qədr gecəsini onda qərar verdiyin kimi bizə də keçmiş ümmətlərindən üstünlük verdin, lütfü sayəsində bizi bütün millətlər arasından seçdin, beləliklə Sənin əmrinlə gündüzünü oruc tutduq, gecəsində Sənin yardımınla ibadətə qalxdıq, oruc və namaz ilə bizə hazırladığın rəhmətini tələb etdik, onu Sənin savabına yetirməyə bir vasitə qərar verdik və Sən bəndələrinin rəğbət gösərdikləri şeyə qadirsən, lütfündən istəniləni bəxş edərsən, Sənə yaxınlaşmaq istəyənə yaxınsan. Həqiqətən də bu ay bizim yanımızda bəyənilmiş, bizimlə sevilən həmnişin idi, bizim üçün aləmin ən üstün mənfətini sovqat gətirdi, vaxtın sona çatıdığı zaman, müddətin bitdiyi, günlərinin tamamlaş-dığından sonra bizdən ayrıldı,indi onunla vidalaşırıq, hicranı qəmimizi artıran bir kəslə vidalaşdığımız kimi, üz çevirməyi bizi vəhşətə düçar etdiyi halla və bizim üzərimizdə qırılmayan bir əhdi, hörmətinə diqqət yetirməyimiz, haqq və lazımdır və buna görə də deyirik:

Ey Allahın ən böyük ayı, ey haqq aşiqlərinin bayramı, salam olsun sənə.

Ey vaxtlar içrə ən kəramətli həmnişin, ey günlər və saatlar arasında ən üstün ay, salam olsun sənə.

Ey ötdükcə arzuların yerinə yetişməsində yaxınlıq yaranan, onda olan əməllər bol olan ay, salam olsun sənə.

Ey məqamı böyük olan həmnəfəs, ayrılığın çox ağır olan ay, salam olsun sənə, ey ümid mayası, ey ayrılığı çətin olan.

Ey üz gətirdikdə bizi şadlandıran munis, ötdükcə qorxunu v əzablı olan ay, salam olsun sənə.

Ey qəlblər sənin yanında yumşalan, günahlar səndə azalan ay, salam olsun sənə.

Ey Şeytanla mübarizədə bizə yardımçı olan, ehsan yollarını hamar və asanlaşdıran ay, salam olsun sənə. Allah tərəfindən səndə azad olanlar nə çoxdur,nə xoşbəxtdir o kəsi ki, sənin vasitənlə hörmətin riayət etdi, salam olsun sənə çoxlu günahlarımızı əməl dəftərimizdən yuyub çoxlu eyblərimizi örtən ay, salam olsun sənə.

Zamanı günahkarlara çox olan, möminlərin qəlbində böyük heybəti olan ay, salam olsun sənə.

Heç bir zamanın onunla müqayisə oluna bilmədiyi ay, salam olsun sənə.

Söhbəti xoşagəlməz olmayan, üzləşməyin əzəmətsiz olan ay, salam olsun səən.

Bərəkəti ilə bizə gəlib günahlarımızın pisliklərini əməl dəftərimizdən silən ay, salam olsun sənə.

Səninlə vidalaşmağımız yorğunluq üzündən olmayan, orucundan ayrılmağımız usanmağımızdan olmayan ay, salam olsun sənə.

Gəlməzdən öncə arzusunda olduğumuz getdiyindən sonra hicranından qəm-qüssəsində olduğumuz ay, salam olsun sənə.

Nə çox pisliklər vasitəsi ilə bizdən aralı düşüb, bir çox yaxşılıqları bizə sarı yönəldən ay, salam olsun sənə.

Salam olsun sənə və min aydan xeyirli olan Qədr gecəsinə.

Salam olsun sənə, və min aydan xeyirli olan Qədr gecəsinə.

Salam olsun sənə, dünən necə də sənə qarşı könül vermişdik, sabah sənə necə də şövq bəsləyəcəyik.

Sənə və məhrum olduğumuz fəzilətinə salam olsun, bizdən alınan keçmiş bərəkətlərinə!

Ey mənim Rəbbim, onu dərk etməkdə bizə yardım göstərdin, bəxtlərinin pisliyindən fəzilətindən məhrum olan halda bizə vasitəsi ilə şərəf verdiyin mərifətinə bizlərə üstünlük verdiyinin ixtiyar sahibi sənsən, adətlərini bizə göstərdin, bizdə sənin köməyinlə onda namaz qılıb oruc tutmağa başladıq, onda çoxu azı yerinə yetirdik.

Ey mənim Rəbbim, pisliklərimizə, səhlənkarlığı-mıza iqrar etdiyimiz halla sənə həmd olsun, bir halda ki, qəlbimizdə qəti məzəmmət, dillərinmizdə sədaqətli üzrümüz vardır. Bu ayda təqsirlərmizə etiraf etdiyimizə görə bizə muzd ver ki, ürəklərimiz yatan fəzilətləri tədarük edən, əlaqəmiz olan ehtiyatın yerin tutsun.

Haqqını ödəməklə səhlənkarlıq göstərdiyimiz üçün üzrümüzü qəbul et, gələcək ömrümüzü gələcək Ramazana çatdır, ona yetirdiyin zaman ona sənə layiq olduğu kimi ibadət etməyimizə yardım göstər, o aya layiqli şəkildə itaət etməyimizə kömək et.

Ey mənim Rəbbim, bu ayda törətdiyimiz kiçik və böyük, aşkar və gizli, bilərəkdən və unudaraq, özümüzə, yaxud başqasına zülm olan günah-larınızı, Muhəmməd və onun soyuna salam yetir və onların üzərin ört, öz əfvinə bizdən keç, bizi o ayda şəhadət edənlərin gözü önündə qərar ermə, tənə vuranların tənəsini üzərimizə yağdırma, bizi elə bir işə sövq et ki, günahların tökülməsinə, o ayda bizdən bəyənmədiyin işlərin üzərini örtməyə səbəb olsun. Sən sonu olmayan şəfqətinə, azalmayan lütfünə and verirəm.

Ey mənim Rəbbim, Muhəmməd və onun soyuna salam yetir və Ramazan ayında əldən verdiklərimizi geri qaytar, bayram günümüzü və fitrimizi bizim üçün mübarək et, onu bizə keçən günlərin ən yaxşısı qərar ver, ən üstün əfvə, səbəb olub ən böyük günahlarımızı əhv etsin, bizim aşkar və gizli günahlarımızı əfv et. Ey mənim Rəbbim, bu ayın bitməsini günahlarımızın tükənməsi qərar ver, çıxmağı ilə bizi pisliklərdən çıxart, bizi bu ayda onun ən səadətli əhlindən, onda çox nəsibi olanlardan, Səndən daha çox fayda görənlərdən et. Ey mənim Rəbbim, bu ayı olduğu kimi riayət edən, hörmətini lazımi şəkildə qoruyan, hudularını layiqincə dirçəldən, günahlarından düzgün tərzdə çəkinəm, yaxud sənin razılığına səbəb olan yaxşı işlə sənə yaxınlaşan, rəhmətini bu işlə ona yönəltdiyi kimsəyə verdiyin nemətlər kimi öz sərvətindən bizə də ona verdiyindən nəsib et, öz lütfündən onun bir neçə qat artığını bizə inayət et, çünki lütfün azalmaz, xəzinələrin əskilməz, hətta artarda, ehsan mədənlərin aradan getməz, həqiqətən də sənin bəxşişin şirin bir bəxşiş-dir. Ey mənim Rəbbim, Muhəmməd və onun soyuna salam yetir və bizim üçün qiyamətədək oruc tutanların, onda Sənə bəndəlik edənlərin əcrini qeyd etdir. Ey mənim Rəbbim, iman əhlinə bayram və şadlıq,din əhli üçün ictima günü qərar verdiyin Fitr günündə Sənin dərgahına tövbə edirik. Qəlbimiz-dəki pis fikirdən bir daha günaha qayıtmaq fikri olmayanın tövbədən sonra heç bir xətaya yönəlmə-yən, şəkk-şübhədən pak v əuzaq olan bir kəsin töv-bəsi kimi töbvə edirik, belə isə onu bizdən qəbul et, bizdən razı qal, bizi onda sabit qədəm et.

Ey mənim Rəbbim, vədə verilən əzabdan qorxut-mağı, onun savabına rəğbət bəsləməyi bir ruzi et ki, Səndən istədiyimizin ləzzətini tapaq, qüssə-sindən sənə pənah apardığımıza yetək, bizi məhəb-bətini onlara vacib etdiyin tövbəkarlardan qərar ver, o kəslərdən ki, özünə sarı itaətə qayıdış-larını qəbul etmisən, ey ədalətlərin ən ədalət-lisi! Ey mənim Rəbbim, ata və analarımızı dünyadan gedən yaxud qiyamətədək gələcək din əhlimizin hamısını əfv et. Ey mənim Rəbbim, Peyğəmbərlərimiz Muhəmməd və onun soyuna salam yetir, müqərrəb mələklərinə göndərdiyin kimi salam yetir, ona və soyuna mürsəl peyğəbərlərinə yetir-diyin salamı yetir, ona və soyuna saleh bəndələrin əta etdiyin salamı yetir, və ondan daha yaxşısını,ey aləmlərin Rəbbi, bir cür salam ki, bərəkəti bizə də yetsin, mənfəəti bizə də çatsın, onun səbəbiylə dualarımız icabət olunsun, çünki Sən müraciət edilən kəslərin ən üstünü, etimad edilənlər içrə ehtiyacsız edənlərin ən yaxşısı, ehsanından istənilən halda bəxşiş edənlərin ən ləyaqətlisisən! Sən, hər şeyə qadirsən!

Ahlibeyt.az

 

Saytın materiallarından istifadə edərkən istinad vacibdir!
25 İyun, 2017  12:56 Çap

Bu bölmədə


Xəbər lenti















© 2017 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com