Vahhabilik İslam dünyasına ləkədir

Ayətulahul-Üzma Şeyx Nasir Məkarim Şirazi bu gün öz xaric dərsində Pakistanda şiələrin vahhabilər tərəfindən qətl edilməsini pisləyib.

Mərcei-təqlid deyib ki, şiələrin vahhabilər tərəfindən qətl edilməsi çox ürək yandırıcı hadiəsidir və insan haqqlarından dəm vuran insan haqqları mərkəzlərinin buna sükut etməsi təəssüf hissi doğurur.

İslam dünyasında vahhabilərə yer yoxdur deyən Quran müfəssiri deyib ki, vahhabilik İslam dünyasına bir ləkədir. Mərcei-təqlid deyib ki, heç bir ağıl, məntiq və qanun tanımayan qana susamış vahhabilər günahsız insanları qətl edir və şəhadətə çatdırırlar. Lakin bütün bunlara baxmayaraq şiələr onlara qarşı bu cinayətləri həyata keçirmirlər. Bu özü şiəliyin haqq olmasına bariz bir sübutdur.

İraqı misal göstərən mərcei-təqlid deyib ki, İraqda əhalinin əksəriyyəti şiədir. Amma vahhabilər orada hər dəfə şiələrə qarşı terror aktları həyata keçirməkdədirlər. Lakin şiələr həmin cinayətlərə cinayət törətməklə cavab vermirlər.

Ayətullah Məkarim Şirazi vahhabilərin bu cinayətlərini pislədiklərini bildirərək deyib ki, Pakistan dövlətindən tələb edirik ki, bu terror aktlarını törədənlərə qarşı tədbirlər həyata keçirərək bu cinayətləri törədənləri tezliklə layiqli cəzalarına çatdırsınlar.