إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Mübarək Ramazan günlərinin savabları - 25-ci gün

İmam Zeynulabidin (ə): "Salam sənə olsun ey Ramazan ayı ki, heç bir ay səninlə fəzilətdə yarışa bilməz."

Ramazan ayının mübarək günlərini yaşayırıq.Əziz İslam peyğəmbəri həzrəti Məhəmməddən(s) nəql olunan bu ayın günlərinin savabları barədə bir hədisi hissə-hissə təddim edirik:

Səid ibni Cübeyr nəql edir - İbni Abbasdan soruşdum: Ramazan ayında oruc tutan və onun haqqını dərk edənə nə (mükafat) düşür?

- O dedi: Hazırlaş,ey ibni Cübeyr! Mən qulaqlarının eşitmədiyi və sənin qəlbinə daxil olmayan bir şeyi sənə danışacam.Özünü məndən istədiyin şey üçün azad et, çünki sən ilklərin və sonuncuların biliklərini istəmisən.

- Səid ibni Cübeyr dedi: O zaman mən onun yanından çıxdım və sabahki gün üçün hazırlaşdım.Səhər sübh çağı onun yanına getdim, sübh namazını qıldım və sonra söhbəti ona xatırlatdım.

-O,üzünü mənə tərəf çevirib dedi: Dediklərimi dinlə Allah Rəsulunun(səlləllahu əleyhi və alihi və səlləm) belə buyurduğunu eşitdim:

- "Əgər Ramazanda sizlər üçün nəyin olduğunu bilsəydiniz Allaha olan şükrünüz artardı  -

"İyirmi beşinci günə görə, Allah ərşin altında sizin üçün min yaşıl xeymə  və hər xeymənin  zirvəsində nurdan xeymə ucaldacaq.Qüdrətli  və əzəmətli Allah deyəcək: Ey Əhmədin ümməti! Mən sizin rəbbinizəm siz isə mənim bəndələrim.Ərşin kolgələri altında olan bu xeymələrdə yerləşin,yeyin və için.sizin üzərinizdə qorxu yoxdur və siz kədərlənməyəcəksiniz-Ey Məhəmmədin ümməti! Öz böyüklüyümə və əzəmətimə and olsun ki,mən sizi Cənnətə göndərərəm. Orda birincilər və sonuncular sizə heyrətlə baxarlar. Mən sizi min tacla taclandıraram və sizi nurdan yaradılmış və yüyəni nurdan olan dəvəyə otuzduraram.Həmin yüyənin min qızıl halqası olar və hər halqanın üstündə əlli nur sütunu olan mələk dayanar. O cənnətə haqq-sesabsız daxil olar"...

Ardı var..

Mənbə: Şeyx Səduq - Səvəbul-Əmal və İqabul-Əmal(Əməllərin mükafat və cəzası)-Ramazan ayının fəzilətləri fəsli - hədis- 254

 

 

Saytın materiallarından istifadə edərkən istinad vacibdir!
19 May, 2020  10:20 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!