Məşhur kinorejissor Oliver Stounun oğlu İslam dinini qəbul edib

Məşhur kinorejissor Oliver Stounun oğlu aktyor və sənədli filmlər rejissoru Şan Stoun İslam dinini qəbul edib.

İran mətbuatının verdiyi xəbərə görə, bu gün Ayətullah Nasirinin İsfahandakı dəftərxanasında Kəlmeyi-şəhadəti iqrar edərək İslam dinini qəbul edib və özü üçün Əli adını götürüb.

Xatırladaq ki, keçən il Şan Stoun İİR prezidenti Mahmud Əhmədinejad haqqında sənədli film çəkmək üçün İrana səfər etmişdi ki, mətbuat konfransı zamanı boynundan asdığı Hz.Əlinin(ə) qılıncı Zülfüqar şəklində boyunbağı taxmaqla hamını təəccübləndirmişdi. O Zülfüqar şəkilli boyunbağını taxmağın səbəbini soruşduqda bildirmişdi ki, həmin boyunbağı ona uğur gətirir.