Ərdoğan AŞ PA-da Azərbaycan nümayəndə heyətinin rəhbərinə təşəkkür edib

Türkiyə Prezidenti Rəcəb Tayyib Ərdoğan Türkiyə ordusunun Suriyanın Afrin bölgəsində başlatdığı "Zeytun budağı" əməliyyatına dəstək ifadə etdiyinə görə, Azərbaycanın millət vəkili, AŞ PA-da Azərbaycan nümayəndə heyətinin rəhbəri Səməd Seyidova minnətdarlığını bildirib.

Ahlibeyt.az-ın SalamNews-a istinadən verdiyi xəbərə görə, Ərdoğan bildirib ki, "Zeytun budağı"  yalnız terrorçulara qarşı keçirilən hərbi əməliyyatdır: "Türkiyənin Afrin əməliyyatının hədəfi  sadəcə terrorçular, terror təşkilatlarıdır. Bunu Avropa Parlamentində bu əməliyyatı işğal kimi göstərmək istəyənlərə söyləyirəm. Azərbaycanın millət vəkili Səməd Seyidova da  qətiyyətli davranışına görə təşəkkür edirəm".