إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Ciddədə İƏT ölkələrinin gənclik siyasəti üzrə ekspertlər qrupunun iclası keçirilir

Yanvarın 8-də, Ciddədə İslam Əməkdaşlıq Təşkilatının Baş Qərargahında İƏT ölkələrinin gənclik siyasəti üzrə hökumətlərarası yüksək məmurlar qrupunun iclası keçirilib.

Ahlibeyt.az-ın İslam.az-a istinadən verdiyi xəbərə görə, toplantıda İƏT ölkələri Gənclər və İdman nazirliklərinin yüksək məmur statuslu ekspertləri İƏT-in “Gənclər Strategiyası” üzrə qəbul edilmiş qərarların icrasını müzakirə etmişlər.

Yığıncaqda çıxış edən İƏT Gənclər Forumunun sədri səfir Elşad İskəndərov, 2016-cı ilin oktyabrında İstanbulda keçirilmiş İƏT Gənclər və İdman Nazirləri Konfrasnının 3-cü Sessiyasının qərarlarının icrası üzrə məruzəsini iştirakçılara təqdim etmiş, bu il Bakıda keçirilməsi nəzərdə tutulan İƏT GİN Nazirləri Konfransının 4-cü Sessiyasına hazırlıq barədə məlumat vermişdir.

Toplantıda İƏT məkanında gənclər siyasəti üzrə əsas problemləri əhatə edən 9 prioritet istiqamət müəyyən edilib.

Xatırladaq ki, İƏT Gənclər və İdman Nazirləri Konfransının 4-cü Sessiyasının 2018-ci ildə Bakıda həyata keçirilməsi planlaşdırılır və İƏT Gənclər Forumu bu Konfransın Katibliyi funksiyasını daşıyır.

İƏT ölkələrinin gənclik siyasəti üzrə ekspertlər qrupunun iclası işini sabah başa vuracaq.


 

Saytın materiallarından istifadə edərkən istinad vacibdir!
9 Yanvar, 2018  12:19 Çap

Bu bölmədə


Xəbər lenti
© 2018 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com