Rusiya MN Suriyada 7 hərbi təyyarənin məhv edildiyinə dair məlumatları təkzib edib

Suriyada terrorçular Rusiyanın "Hmeymim" aviabazasına hücum edib. Hücum nəticəsində 2 hərbçi həlak olub.

Ahlibeyt.az-ın  məlumatına görə,SalamNews-un “RİA Novosti”yə  istinadən verdiyi xəbərə əsasən, bu barədə Rusiya Müdafiə Nazirliyi açıqlama yayıb.

Məlumata əsasən,  dekabrın 31-də axşam saatlarında “Hmeymim” aviabazası silahlılardan ibarət mobil təxribat qrupunun hücumuna məruz qalıb. Onlar  minaatanlardan bazanı atəşə tutublar.

Eyni zamanda nazirlik, Rusiyaya məxsus 7 hərbi təyyarənin məhv edildiyinə dair məlumatları təkzib edib.

Qeyd edək ki,mətbuatda Rusiyanın Suriyadakı hərbi bazasına terrorçuların hücum etdiyi,7 hərbi təyyarənin məhv edildiyi və hərbçilərin öldürüldüyü barədə məlumat yayılıb.