Rusiya, İran və Türkiyə liderləri Suriya ilə bağlı yekun bəyanat qəbul ediblər

Suriyada İŞİD, “Cəbhət ən-Nüsrə” və digər terror qruplaşmalarının birdəfəlik məhv edilməsi üçün səylər artırılacaq.

Ahlibeyt.az-ın TASS agentliyinə istinadən verdiyi xəbərə görə, bunu Rusiya prezidenti Vladimir Putin bəyan edib.

Rusiya, İran və Türkiyə Suriyada vəziyyətin stabilləşdirilməsi və siyasi dialoqun başlanması istiqamətində səylərin artırılması üçün birgə bəyanat qəbul ediblər.

V.Putin bildirib ki, dövlət başçıları terrorizmə qarşı mübarizədə əldə edilən əhəmiyyətli uğurlara toxunaraq  İŞİD, “Cəbhət ən-Nüsrə” və digər terror qruplaşmalarının birdəfəlik məhv edilməsi üçün səyləri artırmağa  hazır olduqlarını təsdiqləyiblər.

Qəbul olunan sənəddə Rusiya, Türkiyə və İran arasında Suriyada gələcək əməkdaşlığın prioritet sahələri müəyyən edilib, qarşıya konkret vəzifələr qoyulub", - deyə Rusiya dövlət başçısı jurnalistlərə bildirib.