Bukamal şəhəri İŞİD-dən tam azad olundu

Suriya Ordusu Müttəfiqlər Əməliyyat Palatası bu ölkənin şərqində və İraq sərhədi yaxınlığında Deyr əz-Zor vilayətinin Bukamal şəhərinin tam azad olunduğunu bildirib.

Ahlibeyt.az-ın  məlumatına görə,İslamazeri.com xarici KİV-ə istinadən xəbər verir ki, Suriya Ordusu Müttəfiqlər Əməliyyat Palatası bildirib: Bazar günü Bukamal şəhəri tam şəkildə İŞİD terror qruplaşmasının işğalından azad olunub və İŞİD-çilərin Bukamalda quraşdırdıqları bombaların zərərsizləşdirilməsi əməliyyatı davam etməkdədir.

Bundan öncə də Suriya ordusu və müttəfiqləri Bukamal şəhərini İŞİD-in işğalından azad etmişdilər. Lakin İŞİD ünsürləri himayədarları, o cümlədən ABŞ-ın dəstəyi ilə yenidən Bukamal şəhərini ələ keçirmişdilər.

Bukamal şəhərinin azad olunması ilə Suriya ordusu və müttəfiqləri önəmli qələbəni əldə edib və İŞİD-in Suriyadakı son bazasını ələ keçirə biliblər.

Deyr əz-Zor vilayətində Bukamal sərhəd şəhərinin 120 min əhalisi vardır. Təxminən üç il İŞİD terrorçularının işğalı altında olmuşdur.

Bununla yanaşı Suriya ordusu Müharibə Təbliğatı Qərargahının yaydığı kadrlar Deyr əz-Zor şəhərinin şimalında bir qrup İŞİD-çinin təslim olduğunu göstərir.

Bu ünsürlər silahlarını Deyr əz-Zor şəhərinin şimalında Həvicə Qati bölgəsində Suriya ordusu və müttəfiqlərinə təhvil veriblər.