İraq ordusu və Həşdi-Şəbi könüllülərindən Əl-Ənbarda İŞİD-ə qarşı genimiqyaslı əməliyyat - Açıqlama

İraq hökumət qüvvələri şənbə günü ölkənin qərbində yerləşən Əl-Ənbar bölgəsində İŞİD terror təşkilatına qarşı genişmiqyaslı əməliyyatlara başlayıb.

Ahlibeyt.az-ın verdiyi xəbərə görə,ShfaqNews-un yaydığı məlumatda bildirilir ki,əməliyyatlara ölkənin ordu qüvvələri,sərhəd qoşunları və könüllü xalq briqadalarından formalaşdırılmış Həşdi-Şəbi birləşmələri qatılıb.

Əməliyyata başçılıq edən İraq silahlı qüvvələrinin ordu generalı Abdul Həmid Yaralla bildirib ki,ilk növbədə Suriya ilə sərhəddə yerləşən İŞİd-in əlində olan sonuncu olan Əl-Qaim şəhərinə gedən yol üzərindəki  Akaşat məntəqəsinin nəzarətə götürülməsir.

Qeyd olunur ki,hazırda Əl-Ənbarda Ana və Rava şəhərləri də İŞİD nəzarətindədir.

Məlumata görə, Akaşatda İŞİD-in iri silah anbarları,terrorçuların təlim və intiharçı düşərgələri,silah və partlayıcı hazırlanması fabrikləri yerləşir.

Qeyd edək ki,bir müddət əvvəl İraq Baş naziri və silahlı qüvvələrinin baş komandanı Heydər əl-Abadi açıqlama verərək bildirmişdir ki,tezliklə Əl-Ənbar və Kərkükdə İŞİD-ə qarşı əməliyyatlara başlanacaq.