Suriyada İŞİD-in qərargah və silah anbarları məhv edildi - 100-dən çox terrorçu zərərsizləşrililib

Suriya ordusu Deyr-ez-Zor əyalətində  Rusiya aviasiyasının dəstəyi ilə 100-dən çox İŞİD silahlısını məhv edib.

Ahlibeyt.az-ın APA-ya istinadən xəbərinə görə, bu barədə “Əl-Məyədin” telekanalı əyalətin qubernatoru Məhəmməd İbrahim Səmraya istinadən məlumat verib.

Hədəfdə əsasən terrorçuların qərargah və silah anbarları olub.

“Hazırda hökumət qüvvələri Cebel at-Tarda yaylası istiqamətində irəliləyərək yaxınlıqdakı yaşayış məntəqələrini terrorçulardan təmizləmək niyyətindədirlər”, deyə qubernator bildirib.

Qeyd edək ki, ötən gün Suriyanın Deyr-ez-Zor əyalətində  İŞİD silahlılarının avtomobil konvoyunu atəşə tutması nəticəsində iki Rusiya hərbçisi həlak olub.