Misirdə xristianlara hücum: azı 25 nəfər həlak olub, 23 nəfər yaralanıb

Misirin mərkəzində xristianları daşıyan avtobusa hücum edilib. Ölkənin Səhiyyə Nazirliyinin məlumatına əsasən, hadisə nəticəsində azı 25 nəfər həyatını itirib, 23 nəfər isə müxtəlif dərəcəli xəsarətlər alıb.

Ahlibeyt.az-ın Azərtac-a istinadla verdiyi xəbərə görə, şahidlərin sözlərinə görə, iki avtomobillə hərəkət edən 10-a yaxın naməlum silahlı şəxs avtobusu avtomatlardan atəşə tutub. Onların geyimləri Misir hərbçilərinin geyiminə oxşayırmış.

İnsident Əl-Minya əyalətində yerləşən Əl-Adavva yaşayış məntəqəsinin qərbindəki “Müqəddəs Samuil” monastırı yaxınlığında baş verib.

Hazırda Misirin təhlükəsizlik qüvvələri hücumun baş verdiyi rayonda axtarış aparırlar.