Rusiyada müsəlmanlar üçün Ramazan ayında xüsusi mobil rabitə tarifi işə salınacaq

Rusiya Müftilər Şurası nəhəng mobil rabitə operatorlarından biri ilə birgə dindarlar üçün xüsusi tarif işə salacaq. Bunun sayəsində dindarlar Ramazan ayında oruc barədə mühüm məlumatları ala biləcəklər.

Ahlibeyt.az-ın Salamnews-a istinadən xəbərinə görə, bu barədə “Rossiya sevodnya” Beynəlxalq İnformasiya Agentliyində keçirilən mətbuat konfransında müftilər şurasının birinci müavini Ruşan Abbyasov bildirib.

“Ramazan ayı üçün xüsusi olaraq “İlk müsəlman tarifi” adlı unikal layihə işıq üzü görəcək. Bu tarif dindarlara rabitə xidmətlərindən istifadə etməyə imkan verəcək. Tarifin satışından əldə ediləcək gəlirin bir hissəsi bu gün həyata keçirdiyimiz xüsusi xeyriyyə layihələrinə yönəldiləcək”, - deyə R.Abbyasov söyləyib.

Bildirək ki, bu il Ramazan ayı mayın 27-də başlayır.