İraqda silsilə partlayış: Ölən və yaralananlar var

İraq paytaxtında silsilə terror aktları baş verib.

Ahlibeyt.az-ın verdiyi xəbərə görə, İslamazeri.com-un “Reuters” agentliyinə istinadən məlumatında bildirilir ki, İraqın paytaxtı Bağdad şəhərinin yaxınlığında 2 partlayış baş verib. Terror nəticəsində azı 11 nəfər həlak olub, daha 20 nəfər isə yaralanıb.

Yerli polisin məlumatına əsasən, 2 avtomobilə quraşdırılmış bombalar partlayıb. Ölənlərin 4-ü polis zabitidir.

Bildirilir ki, hücum polis məntəqəsinn yaxınlığında törədilib.

Hücumun məsuliyyətini hələ heç bir terror qruplaşması öz üzərinə götürməyib.