Türkiyə prezidenti R.T.Ərdoğan "Ayasofya"da cümə namazı qılacaq

Türkiyə mətbuatı prezidentin bu qərarını birmənalı qarşılamayıb.

Ahlibeyt.az-ın İslamazeri.com-a istinadən verdiyi xəbərə görə "İslam-Todey"-in məlumatında bildirilir ki, Türkiyə Prezidenti Müqəddəs Sofiya (Ayasofya) məbədində cümə namaz qılacaq.

Türkiyə mətbuatı prezidentin bu qərarını birmənalı qarşılamayıb. Jurnalistlərin fikrincə, ölkə başçısı belə bir addımı, bu yaxınlarda Türkiyə ilə Niderland arasında baş vemiş diplomatik qalmaqaldan sonra Qərblə münasibətlərdə yaranmış gərginliyə cavab olaraq atır.

"Ayasofya" Bizans İmperiyasının mədəni irsi hesab edilir. Analitiklər hesab edirlər ki, orada namazın qılınması xristian-müsəlman münasibətlərini gərginləşdirə bilər.

Qeyd etmək lazımdır ki, "Ayasofiya" (Yunan dilindən tərcümədə "Müqəddəs hikmət" sözü deməkdir) VI-cı əsirdə inşa edilib.

"Ayasofiya" kilsə kimi doqquz əsr boyu xidmət edib.Yalnız 1453-cü ildə Osmanlı imperiyası Bizans üzərində qələbədən sonra Fateh Sultan Mehmet tərəfindən məscidə çevrilmiş və 1935-ci ilə qədər dindarların xidmətində olmuşdur.

Məscid binası müasir Türkiyə Respublikasının quruluşuna qədər 400- ildən çox fəaliyyət göstərib və1935-ci ildə M.K.Atatürkün dekretinə əsasən inanclıların əlindən alınaraq muzey istifadəsinə verilib.

Yalnız 2006-cı ildə "Ayasofya" muzeyi kompleksinin bir hissəsi dini ayınlərin yerinə yetirilməsi üçün müsəlmanların ixtiyarına verilib.

Hazırda bina YUNESKO-nun Dünya İrsinə daxildir və Bizans memarlığının şah əsəri kimi hesab edilir.