Bankir Azərbaycanda İslam bankçılığının inkişafını zəiflədən amili açıqlayıb "Azərbaycan praktikası göstərir ki, tənzimləyicinin iştirakı olmadan İslam bankçılığı məhsullarının tətbiqi müəyyən mərhələyədək mümkündür".
Ahlibeyt.az-ın APA-ya istinadən verdiyi xəbərə görə, bunu Rusiyanın dövlət bankı olan "Sberbank"ın İdarə Heyəti sədrinin müavinin müşaviri Behnam Qurbanzadə bildirib.
"İslam bankçılığı sahəsində yeni məhsullar üzərində işləyərkən qanunvericiliyin tələblərini mütləq nəzərdən keçirməlisiniz. Azərbaycan praktikası göstərir ki, tənzimləyicinin iştirakı olmadan İslam bankçılığı məhsullarının tətbiqi müəyyən mərhələyədək mümkündür. Lazımi qanunvericilik bazası olmadıqda, siz məhsulların üstünlüyünün kiçik hissəsindən yararlana bilərsiniz. Biz isə istəmirik ki, Rusiyada İslam bankçılığı haqqında mənfi imic formalaşsın", - deyə o bildirib.
Qeyd edək ki, B. Qurbanzadə 2012-2015-ci illərdə "Azərbaycan Beynəlxalq Bankı" ASC-nin (ABB) İslam bankçılığı departamentinin rəhbəri olub. Ardından ABB departamenti ləğv edib. Bundan bir müddət sonra B. Qurbanzadə "Amrahbank"ın İdarə Heyəti sədrinin müavini təyin olunub, lakin bu vəzifədə çox işləyə bilməyib. Bundan sonra bankir Rusiyaya üz tutub.
Saytın materiallarından istifadə edərkən istinad vacibdir!
27 Fevral, 2017 11:07 ⁄ Çap
       Bu bölmədə9 Noyabr, 2024 Azərbaycanda Dövlət Bayrağı Günüdür20 Sentyabr, 2024 20 Sentyabr - Azərbaycanda Dövlət Suverenliyi Günüdür16 İyun, 2024 Qurban bayramınız mübarək 15 İyun, 2024 Azərbaycanda Milli Qurtuluş günü qeyd olunur |
Xəbər lenti
 21 Sentyabr, 2024 10:00
|
