"Nəhcül-Bəlağə" Tatar dilində nəşr olunub

Rusiya İslam Araşdırmalar mərkəzinin təşəbbüsü ilə "Nəhcül-Bəlağə"nin qısa sözlər və hikmətlər bölümü tatar dilinə tərcümə olunub.

Ahlibeyt.az-ın Maide.az-a istinadla xəbər verir ki, tərcümə Ufa şəhər "İxlas" dini  fondu və  Uveys Qərəni  Hikmət  müəssisəinin əməkdaşlığı ilə ərsəyə gəlib.

Kitabı Ufa şəhərinin "İxlas"  məscidinin imamı Məhəmməd Qulam Mustafa tərcümə edib. Hazırda "Nəhcül-Bəlağə"nin digər bölümləri  də onun tərəfindən tatar  dilinə tərcümə olunur.

Tərcümə olunmuş hikmətlər və qısa sözlər  bölümü 180 səhifəlik kitabda  toplanıb.

Kitab Moskvada nəşr olunub və içərisindəki mətn  iki dildə (ərəb və tatar) yazılıb.