Seyyid Həsən Nəsrullah - İsrail müharibəyə başlasa, Hizbullah qırmızı xətt tanımayacaq

Seyid Nəsrullah İsrailin Livana hücum edərək yeni müharibəyə başlayacağı təqdirdə Hizbullahın bu müharibədə qırmızı xətt tanımayacağını önə çəkib.

Ahlibeyt.az-ın İslamazeri-yə istinadən məlumatına görə,bunu "Əl-Məyadin"kanalına müsahibəsi zamanı livanın "Hizbullah" təşkilatının rəhbəri Seyyid Həsən Nəsrullah bildirib.

Rusiya qüvvələrinin Suriyadan çıxmasına, İsrail rejiminin Livan əleyhinə ehtimal olunan hücumuna və “Hizbullah”-ın bu hücuma hazırlığına münasibət bildirib.

Hizbullah Lideri  ABŞ-ın izni olmadan İsrailin belə bir müharibəyə cürət etməyəcəyini də qeyd edərək, İsrailin Livana hücum edəcəyi təqdirdə İsrailin tək problemi amonyak bazaları deyil, bundan başqa digər kimyəvi fabrikalar, o cümlədən İsrailin biyoloji atom bazaları və bütün şəhərlərindəki fabrik və zavodların Livan Hizbullahının hədəfinə tuş gələcəyini qeyd edib.

Qeyd edək ki, İsrail tərəfi bundan öncə Livanla başlayacaqları müharibədə Livanı 300 il geriyə götürəcəklərini bildirərək, ölkənin bütün infrakstrukturunu çökdürəcəklərini bildirmişdilər. Livan Hizbullahı isə bu açıqlamaya cavab verərkən,  İsraillə bu dəfə müdafiə xarakterli deyil, hücum taktikası ilə müharibə edəcəklərini açıqlamışdılar.

Məlumatda bildirilir ki, Seyid Nəsrullah "Əl Məyadeen"ə verdiyi müsahibədə, Suriyadakı sülh prosesinə Türkiyə və Səudiyyənin maneə olduğunu bildirərək, Rusiyanın Suriyadan ordusunun bir hissəsini çıxarmadan öncə Livan Hizbullahına məlumat verdiklərini də bildirib.