Seyyid Haşim Saifuddin - Yaxın Şərqdəki tənəzzülün icraçısı ABŞ-dır

"Regionda yeni bir vəziyyət yaranıb. Bizi qorxutmağa yönəlik bir sıra təşəbbüslər daha əvvəl hər hansı bir fayda vermədiyi kimi, bu gün də, gələcəkdə də verməyəcək"

Ahlibeyt.az-ın maide.az-a istinadən verdiyi xəbərə görə,bunu Livan Hizbullahı İdarə Heyətinin sədri Seyyid Haşim Saifuddin bildirib.Onun sözlərinə görə, Səudiyyə Ərəbistanı və müttəfiqlərinin Yəməndəki məğlubiyyəti və Suriyaya müdaxiləsi ABŞ maraqlarını müdafiə edir.

"Səudiyyə Ərəbistan və müttəfiqləri, keçmişdən dərs almadıqları kimi, hələ də ABŞ-ın oyunlarına alət olublar. Əgər bir ovuc dollarla dünyanı idarə edə biləcəklərini hesab edirlərlə biz də bildiririk ki,sonda mütləq ziyana uğrayacaqlar. Əgər qorxutma, fitnə yaratma və təhdidlə Suriya, İraq, Livan və ya regiondakı hər hansı bir ölkədə prosesləri dəyişəcəklərini düşünürlərsə mütləq xəyal qırıqlığına məruz qalacaqlar və bu təşəbbüslər heç bir fayda verməyəcək".