BMT:Səudiyyənin Yəmənə aviazərbələri insanlığa qarşı cinayətdir

Səudiyyə Ərəbistanı başda olmaqla koalisiya qüvvələrinin bəzi zərbələri  mülki obyektlərə olur və bu insanlığa qarşı cinayət kimi tanına bilər.

Ahlibeyt.a-ın FaktXəbər-ə istinadən verdiyi məlumata görə, bu barədə BMT TŞ-nın  sanksiya komitəsinin illik hesabatında  bildirilib.

Komitə üzvləri şuraya beynəlxalq hüquqların pozulması  faktlarının  araşdırılması üçün komissiya yaradılması məsələsinə baxmağı tövsiyə edib.

BMT-nin ekspertlər qruppu  koalisiyanın beynəlxalq humanitar  hüququ  pozan 119 uçuşunu araşdırıb və belə qərara gəlib ki, bir çox aviazərbələr mülki obyektlərə edilib.

Ekspertlərin fikrincə, bəzi vaxtlar  koalisiya tərəfindən hüquq pozulması genişmiqyaslı və sistemli şəkildə həyata keçdiyindən, bunu insanlığa qarşı cinayət hesab etmək olar.

Səudiyyə rejiminin missayısını BMT-də təmsil edən nümayəndələr bu informasiyaya şərh verməyiblər.