İslam.az portalının Facebook səhifəsi xakerlər tərəfindən idarə olunur

İslam.az portalının rəsmi Facebook səhifəsi haker hücumuna məruz qalıb- Dekabrın 21-dən başlayaraq adminlərin səhifəyə daxil olması əngəllənib.

Ahlibeyt.az-ın İslam.az-a istinadən verdiyi xəbərə görə,Portalın texniki heyətinin səylərinə rəğmən səhifə üzərində nəzarəti bərpa etmək mümkün olmayıb. Ötən müddət ərzində səhifədə dəfələrlə təxribat xarakterli məlumatlar yerləşdirilib.

İslam.az saytı bütün oxucularının diqqətinə çatdırır ki, sözügedən Facebook səhifəsində edilən paylaşmalara heç bir aidiyyatı yoxdur və onlara görə heç bir məsuliyyət daşımır. Qeyd olunur ki,səhifədə edilən təxribat xarakterli paylaşmalara sayt vasitəsi ilə cavab veriləcək.

İslam.az oxuculardan həmçinin xahiş edir ki, bu xəbəri şəxsi Facebook profillərində paylaşsınlar və sosial şəbəkədə mümkün qədər geniş yayılmasına yardımçı olsunlar.