İŞİD-dən yeni vəhşilik:12 gənci itlərə yem etdilər

İŞİD qanlı edam üsullarına daha birini əlavə edib. 12 gənci əllərini və ayaqlarını bağladıqdan sonra günlərlə ac saxlanılmış itlərin qabağına atıblar

Ahlibeyt.az-ın islamazəri-yə istinadən verdiyi xəbərə görə, Kürdüstan Demokrat Partiyasının Mosul üzrə Nümayəndəsi Səid Məmuzini təşkilatın yeni bir edam üsulu ilə insanları qətl etdiyini bildirib.

Səid Məmuzini İŞİD-in bu dəfə 12 gənci ac itlərin qabağına ataraq onları diri-diri itlərə yedirdiyini söyləyib.

Məmuzini öldürülən gənclərin cəbhəyə getmək istəmədiyi üçün saxlandığını və İŞİD tərəfindən yaxalanıb cəzalandırıldığını ifadə edib.

Qeyd edək ki, İŞİD daha əvvəl də tez-tez təkrar etdiyi baş kəsmiş, insanları qəfəslərdə canlı-canlı yandırmış, hündür mərtəbələrdən aşağı atmış və digər vəhşicəsinə işgəncələr verərək qətlə yetirmişdi.