Bakının işğaldan azad edilməsinin 97-ci ildönümü münasibətilə "Qafqaz İslam Ordusu Bakı yollarında" mədəni irs turu təşkil olunacaq

Ahıibeyt.az-ın verdiyi xəbərə görə, “Miras” Mədəni İrsin Öyrənilməsinə Kömək İctimai Birliyindən Salamnews-a daxil olan məlumatda bildirilir ki,tur sentyabrın 16-17-də baş tutacaq. İki günlük tur çərçivəsində iştirakçılar Gəncə-Göyçay-Ağsu-Şamaxı-Hökməli-Güzdək-Bakı marşrutu ilə hərəkət edəcəklər.

Tədbirin sonunda tur iştirakçıları Şəhidlər Xiyabanını ziyarət edəcəklər. İştirakçılara XX əsrin əvvəllərində xalqın erməni daşnakları və bolşeviklərə qarşı mübarizəsində qardaşlıq köməyinə yetişən, Azərbaycanın dövlət müstəqilliyini qazanmasında, istiqlalının qorunmasında həlledici rol oynayan Qafqaz İslam Ordusunun şərəfli döyüş yolu barədə məlumat veriləcək.

Səfər çərçivəsində turun keçdiyi şəhər və rayonlardakı tarixi-mədəni abidələr də ziyarət olunacaq.