Həcc ziyarətinin ictimai və fərdi əhəmiyyəti var. Ziyarətə gedən hər kəs Həccin mahiyyətindən və Həcc əməllərindən təsəvvürə malk olmalıdır.

 

Ahlibeyt.az-ın verdiyi xəbərə görə,bu fikirləri Salamnews-a açıqlamasında Məşhədi Dadaş məscinin axundu, ilahiyyatçı Hacı Şahin Həsənli bildirib.

O qeyid ki, insan hara getdiyini bilməlidir. Bundan başqa mənəvi baxımdan ora hazır olmalıdır.

İlahiyyatçının sözlərinə görə, həcc ziyarətinə gedən ilk növbədə bilməlidir ki, çətin bir səfərə yollanır, amma bu ziyarətin çox böyük bir fəziləti var. Həcc ziyarətini başa vurduqdan sonra insan bütün günahları bağışlanmış şəkildə vətənə dönür. Sanki həmin hacı həyata yenidən başlayır.

Şahin Həsənli həmçinin bildirib ki, ki, insan boynunda olan vacib həcc ziyarətini yerinə yetirdikdən sonra, yəni ziyarətə bir dəfə getmiş şəxs sonra başqa insanları yollaya bilər və yaxud da bura istiafadə etdiyi vəsaiti digər xeyriyyə məqsədi ilə tətbiq edə bilər.