“Boko Haram” Nigeriyada növbəti dəfə 3-12 yaş arası 60 qızı qaçırdı

Ahlibeyt.az-ın “Dunyabulteni”-nə istinadən verdiyi xəbərə görə, təkfirçi “Boko Haram” terror qruplaşması Nigeriyanın şimal-şərqindəki Borno əyalətində yerləşən Kummabza kəndinə basqın edərək 30 nəfəri öldürüb,3- 12 yaş arasındakı  60 qızı isə qaçırıb.Terrorçular kənddəki evləri yandırıblar.

Qruplaşma tərəfindən bu tip hucumların həyata keçirilməsi ilk deyil.Aprel ayında bir qəsəbə məktəbinə hücum nəticəsində  qruplaşma tərəfindən 300 qədər məktəbli qız qaçırılmışdı onlardan yalnız 50-yə qədəri geri dönmüş digərlərinin aqibəti barədə bu günə qədər bir məlumat əldə edilə bilməmişdir.

Qeyd edək ki, əhalisinin sayına görə Afrikanın ən böyük ölkəsi olan Nigeriyada  170 milyondan çox insan yaşayır və bunun 50 faizə qədərini əsasən ölkənin şimalında məskunlaşmış  müsəlmanlar təşkil edir.Son illər hakimiyyəti təhdid edən və xüsusən müsəlmanlar məskunlaşmış ərazilərə hucumlar təşıkil edən "Boko Haram" təşkilatının məqsədi ölkədə öz qaydalarına uyğun şəriət dövləti qurmaq istəmələridir.