Ahlibeyt.az-ın islam.az-a istinadən verdiyi xəbərə görə “Park İnn” oteldə Bakı Təhsil İdarəsi və İslam Konfransı Gənclər Forumu Avrasiya Regional Mərkəzinin (DƏ-İKGF, ARM) təşkilatçılığı, Gəncliyə Yardım Fondunun (GYF) iştirakı ilə Bakı şəhərində məktəb yaşlı uşaqlar arasında “Milli tariximiz, ənənələrimiz, dəyərlərimiz” adlı bilik müsabiqəsinin yekun mərhələsi keçirilmişdir. Müsabiqənin keçirilməsində əsas məqsəd Azərbaycanın tarixi, ənənələri və mənəvi dəyərlərlə bağlı biliklərin yeniyetmə və gənclərə daha çox  çatdırılmasıdır.

İslam.az-ın verdiyi xəbərə görə, üç ay öncə Bakı şəhərinin 4 rayonunda yazılı olimpiadalar formatında start götürən müsabiqənin bu gün final mərhələsi keçirilmiş, qaliblər müəyyən edilmiş və onlar pul mükafatı və digər qiymətli hədiyyələrlə təltif edilmişlər. Qalib yerləri tutmayan bütün final iştirakçılarına isə həvəsləndirici mükafatlar verilmişdir.Tədbirdə təşkilatçı qurumların nümayəndələri, rəsmi qonaqlar  və ictimaiyyət nümayəndələri iştirak etmişlər.