Səyyad Aran- Nurçular və sələfilərlə mübarizə aparmaq lazımdır

Ahlibeyt.az Modern.az-a istinadən xəbər verir ki,bu gün “Park İnn” oteldə mərhum eks-prezident Heydər Əliyevin anadan olmasının 91-ci ildönümü münasibətilə Dini Qurumlarla İş üzrə Dövlət Komitəsi "Heydər Əliyev və milli mənəvi dəyərlər" mövzusunda konfrans keçirib. Konfransda komitə rəhbərliyi ilə yanaşı, millət vəkilləri, müxtəlif dini qurumların nümayəndələri də iştirak edib.

Konfransı  komitənin sədr əvəzi Səyyad Salahlı (Səyyad Aran ) açıq elan edərək Heydər Əliyevin milli mənəvi dəyərlərə olan sayqısından bəhs edən maraqlı faktlar səsləndirib:

“Ümummilli lider prezident seçkilərinə cəmi 28 gün qalmış Təzə Pir məscidinə getdi. Orada kreslodan imtina etdi və dedi ki, mən də hamı kimi sizinlə bərabər yerdə oturacağam. Hələ o vaxt İslam dininin  prioritet məsələlərindən danışdı. Bibiheybət məscidi hələ pis vəziyyətdə olarkən o, bildirdi ki, mən respublikanın prezidenti və müsəlman vətəndaş kimi bu məscidi öz öhdəmə, nəzarətim altına götürürəm”.

Səyyad Aran Azərbaycanda tez bir zamanda ən böyük məscidin açılışı barədə məlumat verərək qeyd edib ki, Binəqədi rayonu ərazisində inşa olunan məscidin tikiniti işləri ilə  Ölkə Prezidenti və Mehriban xanım Əliyeva  tanış olub”.

Dini Qurumlar üzrə Dövlət Komitəsinin sədr əvəzi çıxışının davamında bildirib ki, müxtəlif dini qruplar var ki, onlarla mübarizə aparmaq lazımdır. Söhbət xüsusən sələfi və nurçulardan gedir. Azərbaycanın dövlətçilik və milli mənəvi dəyərlərinə hörmət edən hər bir din xadimi onlarla son anına qədər mübarizə aparmalıdır”

Dövlət Komitəsinin sədr əvəzi son zamanlar barələrində  ciddi söhbət gedən dini qruplardan narazılığını gizlətməyib. “1990-cı illərin əvvəllərində də bu cür qruplaşmalar var idi. İndi də bu hiss olunur. Azərbaycanın dövlətçilik və milli mənəvi dəyərlərinə hörmət edən hər bir din xadimi onlarla son anına qədər mübarizə aparmalıdır”.