MEDİA  Agentliyi yerli və xarici təlimçilərin iştirakı ilə “Jurnalistikada konvergensiya” və “Mediada rəqəmsal imkanlar” mövzularında 2 moduldan ibarət yeni “İnnoMEDİA” layihəsinə başlayır

Ahlibeyt.az-ın xəbərinə görə, bu barədə Medianın İnkişafı Agentliyindən (MEDİA) mətbuata verilən açıqlamada bildirilib.

Medianın qlobal şəbəkəyə inteqrasiya prosesi müxtəlif texnologiyaların vahid platformada birləşməsi və nəticədə yeni məhsulların formalaşması, eləcə də informasiyanın, eyni zamanda, bir mənbədən müxtəlif üsul və texniki vasitələrlə yayılması prosesidir. Rəqəmsal reallıq şəraitində zaman-məkan sərhədsizliyinin, media məkanında hibrid hücumların tez-tez müşahidə edildiyi bir dövrdə rəqəmsal alətlərdən istifadə edərək səmərəli ünsiyyətin qurulması, sosial medianın məlumat mənbəyi kimi aktuallaşması, rəqəmsal transformasiya, ümumilikdə isə qloballaşma prosesləri fonunda dünyada müxtəlif trendlərin mövcudluğu gənclərin yeni media mühitini anlaması, bilik və bacarıqlara yiyələnməsini vacib edir.

Açıqlamada bildirilib ki, jurnalistika sahəsində yaranan yeni imkanların və mediada tendensiyaların öyrənilməsi, rəqəmsal media sahəsində peşəkar vərdişlərin inkişaf etdirilməsi, şəbəkələşmə mühitinin üstünlüklərindən yararlanaraq kommunikasiya əlaqələrinin qurulması, rəqəmsal media ekosisteminin inkişafına töhfə verilməsi məqsədilə MEDİA yerli və xarici təlimçilərin iştirakı ilə “Jurnalistikada konvergensiya” və “Mediada rəqəmsal imkanlar” mövzularında 2 moduldan ibarət yeni “İnnoMEDİA” layihəsinə başlayır.

Son müraciət tarixi: 16.12.2022

 

Ətraflı məlumat və müraciət üçün link