Quran oxumağın fəziləti haqda 7 hədis

Həzrət Peyğəmbəri-Əkrəm (s) buyurur: “Sizlərdən hər hansı biriniz Allahla danışmaq istəyirsə, Quran oxusun. Elmin əvvəlini və axırını (öyrənmək) istəyənlər gərək Quran oxusunlar”.

-İmam Əli (ə) buyurur: “Ən fəzilətli zikr Quran oxumaqdır, çünki bu əməl qəlbin genişlənməsinə və batinin nurlu olmasına səbəb olur”.

-İmam Sadiq (ə) Allaha dua edərək demişdir: “(İlahi!) Quran oxumağı mənim üçün elə qərar ver ki, onu oxuyanda Sən məndən razı qalasan”.

-Həzrət Peyğəmbəri-Əkrəm (s) buyurur: “Hər kəs Allahın və Onun peyğəmbərlərinin dostu olmaq istəyirsə, Quranı üzündən oxusun".

-İmam Əli (ə) buyurur: “Quran haqqında düşünün və onu yaxşı başa düşün; çünki Quran qəlblərin baharıdır”

-İmam Sadiq (ə) buyurur: “Quranı üzündən oxumaq valideynin əzabını kafir olsa da belə yüngülləşdirir".

Peyğəmbəri-Əkrəm (s) buyurur: “Öz övladlarınızı üç şeylə tərbiyə edin: Peyğəmbərinizə məhəbbətlə, onun Əhli-beytinə sevgi-istəklə və Quran oxumaqla”.