Hindistanın Aqra şəhərindəki Tac-Mahal abidəsi koronavirus pandemiyası ilə əlaqədar 6 aylıq qapanmadan sonra ziyarətçilər üçün açılır.

Ahlibeyt.az-ın Trend-ə istinadən məlumatına görə, bu, məqbərə tarixində ən uzunmüddətli qapanma olub.

Yeni qərara əsasən, tarixi abidəyə gün ərzində karantin qaydalarına əməl etməklə 5 min ziyarətçi gələ biləcək.

Qeyd edək ki, Tac-Mahal mart ayında bağlanmışdı. Pandemiyaya qədər mavzoleyə gündəlik 70 minədək ziyarətçi və turist gəlirdi.

Tac-Mahal sonuncu dəfə 1978-ci ildə subasma ilə əlaqədar qısa müddətə bağlanmışdı.

Son məlumata görə Hindistanda 5,5 milyona yaxın şəxs koronavirusa yoluxub, 88 minə yaxın dünyasını dəyişib.

Xatırladaq ki, Tac-Mahal Hindistanın Aqra şəhərində,  Camna çayı sahilində yerləşən Tac-Mahal dünya  memarlığının şah əsəridir. Böyük Moğollar  İmperiyasının  hökmdarı,   Əmir Teymurun nəslindən olan Cahan şahın əmri  ilə həyat yoldaşı Ercümənd Banu Begümün xatirəsinə (Mümtaz Mahal)ucaldılmış Tac-Mahal həm də  əbədi məhəbbətin rəmzidir. 1632-ci ildə inşasına başlanan kompleks 20 il sonra 1652-ci ildə tamamlanmıştır. Abidənin hündürlüyü 75 metrdir və ağ mərmərdən hazırlanmışdır. Tac -Mahalın divarları həqiqi xəzinə daş-qaşlarıyla örtülüdür, divarlarında 42 zümrüd, 142 yaqut, 625 brilyant, 50 çox böyük inci vardır. Babur İmperatorluğunun VI hökmdarı Cahan şah və həyat yoldaşı Ercümənd Banu bu sarayda dəfn edilmişlər.